ЗӨВЛӨХИЙН ҮЙЛЧИЛГЭЭНИЙ ТУХАЙ ЗАРЛАЛ

Нийтэлсэн: 3 сарын өмнө

1.         Жижиг, дунд үйлдвэрийн газар нь жижиг, дунд үйлдвэр, үйлчилгээ эрхлэгчид болон агентлаг, нийслэл, орон нутгийн мэргэжилтнүүдийг чадавхжуулах зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

2.         Жижиг, дунд үйлдвэр, үйлчилгээ эрхлэгчид болон мэргэжилтнүүдийг чадавхжуулах хөтөлбөрийн хүрээнд жижиг, дунд үйлдвэрлэл, бизнесийн өсөлт хөгжлийг дэмжих, өрсөлдөх чадвар, зах зээл, борлуулалтыг нэмэгдүүлэхэд чиглэсэн сургалтуудыг зохион байгуулна.

3.    Мэдүүлгээ ирүүлж буй хуулийн этгээд нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14-16 дугаар зүйлд заасан шалгуур үзүүлэлт, шаардлагуудыг хангаж буйг нотлох дараах баримт бичгийг ирүүлнэ. Үүнд:

  • Байгууллагын улсын бүртгэлийн гэрчилгээний хуулбар, танилцуулга;
  • Татварын цахим тодорхойлолт;
  • Шүүхийн шийдвэр гүйцэтгэх газрын тодорхойлолт;
  • Шүүхийн төрөлжсөн /тусгай/ архивын лавлагаа;
  • ТБОНӨХБАҮХАТХуулийн 14.1.1-14.1.7 дахь дурдсан нөхцөл үүссэн эсэх тухай мэдэгдэл бичгээр ирүүлнэ;
  • ТЕГ, НДЕГ, Шүүхийн болон бусад байгууллагаас тодруулга, лавлагаа авахад татгалзах зүйлгүй тухай албан мэдэгдэл ирүүлэх;
  • Сүүлийн 1 жил буюу 2021 оны жилийн эцсийн санхүүгийн тайлан;
  • Ажиллах хүний нөөцийн чадвар, туршлагын талаарх мэдээлэл (Багийн ахлагч, ахлах зөвлөх, сургалтын зөвлөх-5);
  • Дээрх чиглэлийн хүрээнд явуулах боломжтой сургалтуудын сэдэв, товч агуулга;
  • Зөвлөх үйлчилгээ үзүүлэх хуулийн этгээд нь 5-аас багагүй жил дээрх чиглэлийн сургалт, зөвлөх үйлчилгээний чиглэлээр ажилласан туршлагатай байх, сүүлийн 5 жилийн хугацаанд хийж гүйцэтгэсэн ижил төстэй ажлын жагсаалтыг доорх хүснэгтээр ирүүлнэ.
  •  

Ажлын нэр, товч танилцуулга

Захиалагч

Төсөвт өртөг

Хугацаа

 

 

 

 

 

  • Сургалт явуулах танхим болон сургалтын тоног төхөөрөмжтэйг нотлох мэдээлэл ирүүлэх.

Сонирхсон этгээд нэмэлт мэдээллийг 2022.03.02-ны 17:00 цагаас өмнө ажлын цагаар авч болно. Саналаа 2022.03.03-ны өдрийн 11 цаг 00 минутын дотор tender.gov.mn цахим хаягаар ирүүлнэ үү.

Хаяг: Монгол улс, Улаанбаатар хот, Баянзүрх дүүрэг, Энхтайваны өргөн чөлөө 16а, Засгийн газрын IX байр, Засгийн газрын хэрэгжүүлэгч агентлаг - Жижиг, дунд үйлдвэрийн газар 23 тоот

Утас: 77485555-3

Сүүлд нэмэгдсэн мэдээ

//