ЗӨВЛӨХИЙН ҮЙЛЧИЛГЭЭНИЙ ТУХАЙ ЗАРЛАЛ

Нийтэлсэн: 1 сарын өмнө

1. Жижиг, дунд үйлдвэрийн газар нь жижиг, дунд үйлдвэр, үйлчилгээ эрхлэгчид болон агентлаг, нийслэл, орон нутгийн мэргэжилтнүүдийг чадавхжуулах зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

2. Энэхүү зөвлөх үйлчилгээ нь жижиг, дунд үйлдвэр, үйлчилгээ эрхлэгчид болон мэргэжилтнүүдийг чадавхжуулахад шаардлагатай багц сургалтын хөтөлбөр боловсруулан, хөтөлбөрийн хүрээнд холбогдох зарим төрлийн сургалтыг зохион байгуулна.

3. Мэдүүлгээ ирүүлж буй хуулийн этгээд нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14-16 дугаар зүйлд заасан шалгуур үзүүлэлт, шаардлагуудыг хангаж буйг нотлох дараах баримт бичгийг ирүүлнэ. Үүнд:

Байгууллагын улсын бүртгэлийн гэрчилгээний хуулбар, танилцуулга;
Татварын цахим тодорхойлолт;
Шүүхийн шийдвэр гүйцэтгэх газрын тодорхойлолт;
Шүүхийн төрөлжсөн архивын лавлагаа;
ТБОНӨХБАҮХАТХуулийн 14.1.1-14.1.7 дахь дурдсан нөхцөл үүссэн эсэх тухай мэдэгдэл бичгээр ирүүлнэ;
ТЕГ, НДЕГ, Шүүхийн болон бусад байгууллагаас тодруулга, лавлагаа авахад татгалзах зүйлгүй тухай албан мэдэгдэл ирүүлэх;
Сүүлийн 1 жилийн санхүүгийн тайлан (2020 он);
Ажиллах хүний нөөцийн чадвар, туршлагын талаарх мэдээлэл (Багийн ахлагч, ахлах зөвлөх, сургалтын зөвлөх-5);
Зөвлөх үйлчилгээ үзүүлэх хуулийн этгээд нь 5-аас багагүй жил сургалт, зөвлөх үйлчилгээний чиглэлээр ажилласан туршлагатай байх, сүүлийн 5 жилийн хугацаанд хийж гүйцэтгэсэн ижил төстэй ажлын жагсаалтыг доорх хүснэгтээр ирүүлнэ.

№	Ажлын нэр, товч танилцуулга	Захиалагч	Төсөвт өртөг	Хугацаа

Сонирхсон этгээд нэмэлт мэдээллийг 2021.05.21-ны 17:00 цагаас өмнө ажлын цагаар авч болно. Тендерийг 2021.05.24-ний өдрийн 11 цаг 00 минутын дотор https://www.tender.gov.mn/ цахим хаягаар ирүүлнэ үү.

Хаяг: Монгол улс, Улаанбаатар хот, Баянзүрх дүүрэг, Энхтайваны өргөн чөлөө 16а, Засгийн газрын IX байр,

Засгийн газрын хэрэгжүүлэгч агентлаг - Жижиг, дунд үйлдвэрийн газар 23 тоот

Утас: 77485555-3